Plantun de Prouvènço

Pèr coumpara dos planto d'encò nostre

Helianthemum violaceum & Potamogeton coloratus

Helianthemum violaceum

Cistaceae

Nom en français : Hélianthème poilu.

Descripcioun :
Aquesto massugueto di flour blanco douno d'èr à Helianthemum apenninum. Se n'en destrìo pamens que li flour soun mai pichoto (petalo < 11 mm e sepalo < 7 mm à la flouresoun) e lis estipulo peréu (3 à 4 mm). Li sepalo soun un pau vióuleto emé quàsi ges de péu. Coumpara emé la massugueto-blanco que ié sèmblo proun.

Usanço :
Li massugueto èron acampado en Espagno pèr la farmacìo tradiciounalo e soun couneigudo pèr lucha contro li microbe (poulifenol).

Port : Pichoto planto lignouso
Taio : 10 à 40 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Helianthemum
Famiho : Cistaceae

Ordre : Malvales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 600 m
Aparado : Noun

Liò : Garrigo - Tepiero seco
Estànci : Termoumediterran à Subremediterran
Couroulougi : Pancaro entresigna
Ref. sc. : Helianthemum violaceum (Cav.) Pers., 1806

Espigo-d'aigo(-encoulourido)

Potamogeton coloratus

Potamogetonaceae

Autre noum : Poutamot.

Noms en français : Potamot coloré, Potamot plantain.

Descripcioun :
Aquesto espigo-d'aigo èi coumuno soulamen dins li plano de coustiero. Li fueio, de verdo à roujo, laisson tóuti passa lou lume e se vèi li costo. Li fueio que nadon fan de 3 à 9 cm de long e de 2 à 5 cm de larjo, alor que li d'aigo fan de 3 à 9 cm X 2 à 5 cm. L'espigo èi pas trop longo e pòu èstre siegue dins l'èr o dins l'aigo.

Usanço :
Sara peréu escricho dins quàuqui tèms.